Jan Henrik Nitter Hansen var ein av dei mest vellukka forretningsmennene på Vestlandet på 1800-talet.
Ein av eigedomane han arbeidde frå, var ei okergul krambu i hovudgata til handelstaden Lærdalsøyri, der Sognefjorden møtte land og trafikken gjekk aust-vest på Kongevegen rett utanfor døra.
No kan denne krambua frå 1852 bli heimen din.
Leiligheten ligg i andre høgda, der Jan Henrik Nitter Hansen hadde pakkromma sine på midten av 1800-talet.
I dag har det eine pakkrommet fått moderne stove, fullt utstyrt kjøken og bad. Det andre er blitt eit stort soverom med tidsrett innreiing og ei deilig, stor dobbeltseng. Øvsteloftet er blitt hems med fire senger.
Opp til 6 personar kan bu i Den Gule Krambua, som stod ferdig renovert i juni 2020.
Romma er forsiktig renovert og detaljar frå 170 år med næringsdrift er samvitsfullt teke vare på og innlemma i den moderne leiligheta.
Inngangen er gjennom dobbeltdøra med overlys på baksida. Her er nøkkelboks. Du kan altså sjekke inn når det måtte passe (etter kl. 15.00).
Hjarteleg velkommen!
Den Gule Krambua er totalrenovert etter privat initiativ og med støtte frå Norsk Kulturminnefond.
