Rogn camping ligg langs E16 ved Begna elv, også kalla Storåne. Mange kjem hit for å fiske, padle i elva, gå turar i fjell, skog og mark i nærområdet eller for ei rimeleg overnatting på ferieturen. Rogn camping ligg dessutan ved starten av Kongevegen over Filefjell.

Turtips:
Om lag fem kilometer vest for campingplassen startar fyrste etappe av Kongevegen over Filefjell - eller siste etappe om ein kjem vestfrå. Turen over Kvamskleive gjev innsyn i eit eineståande veganlegg, og byr på store natur- og kulturopplevingar.

Frå campingplassen kan ein nytte bil eller sykkel langs E16, eller ein kan gå på austsida av vassdraget fram til starten på denne kongevegetappen. Om nokon har behov for transport, kan det ordnast.

Anna:
Orientering/gaiding om planteliv, fugl/sommarfugl i området kan gjevast på førespurnad.