Kombinér ein tur på kongevegen med den årlege haustmarknaden på Gamle Lærdalsøyri!

I samarbeid med Smak av Sogn, ynskjer foreninga Lærdalsmarknaden velkommen til ein ny, stor haustmarknad med eit bugnande grønnsakstorg (cirka 40 slag grønnsaker), spekemat, lefsekling, geitost, lefse, sild, rakfisk, most, kanelsnurr, varme klede, skinnfellar - og svært mange andre boder med all slags varer til haust og vinter.

Mange har tilgang på eple, pære og bringebær, men treng kanskje ny inspirasjon for å bruke det i måltider?

Steinar Lindstrøm er kjent som Oldermann i Kokkenes Meisterlaug og som radiokokk i NRK Sogn og Fjordane.

Han skal lære oss å lage freistande og smaksrike dessertar med ingrediensane som er typisk for Lærdal, men også karamell, sjokolade, vanilje m.m. Her blir det mykje spennande dessertlærdom å imponere med til haust og jul.

Avgrensa plassar. Påmelding innan 26.09.18 kl. 12.00 på SMS: 4827 7526 eller e-post: landhandel@smakavsogn.no.

Stad: Skulekjøkkenet, Lærdalsøyri skule. Pris: 495 kr,- per pers. inkl. potetsuppe ved ankomst. Då treng du ikkje å tenke på middag den ettermidagen :)