Opplev kongevegen

Inngang Borgund stavkyrkje og tur til Vindhella med guide

Fakta

Tidsbruk
2-3 timar
Avstand
1,7 km.
Vanskelegheitsgrad
Enkel
Tilgjengeleg
Dagleg 1. juni - 31. august

Nasjonalklenodiet Borgund stavkyrkje er den best bevarte stavkyrkja i verda. Ingeniørbragden Vindhella er den mest berømte delstrekninga av Kongevegen over Filefjell. Bli med til begge i ei og same pakke!

Du startar i besøkssenteret med stavkyrkjeutstilling, vikingutstilling, kafé og butikk før du går til stavkyrkja og opplever middelalderens mystikk. Du gjer dette på eiga hand og lyttar til guidane i kyrkja. Billetten gjeld for heile dagen.

Deretter møter du ein Kongevegen-guide ved stavkyrkja og blir med opp austsida av Vindhella til toppen av dei berømte hårnålsvingane. 

På vegen får du lære om Kongevegen og om bygginga av meisterverket som bugtar seg på høge murar ned gjennom fjellpasset. Høyr om vegarbeidarane, om slavearbeid og avstraffing, om rekkverk og steinar, fargar og kongeferder. 

Sjå også kvifor Vindhellaskaret var den smalaste passasjen mellom aust og vest i gamal tid og difor truleg eit strategisk kontrollpunkt. Her er bygdeborg, truleg eldgamle forsvarsanlegg og kanskje åstaden for eit birkebeinerbakhald.

Etter ei stund ved svingane på toppen snur guiden og går tilbake til stavkyrkja. Du blir med, eller du kan gå på eiga hand ned til Rimskjold eller ta rundturen over Sverrestigen tilbake til stavkyrkja.

TID: Dagleg klokka 12.00 (inngang stavkyrkja) og 13:30 (start vindhellaturen)
PERIODE: 01. juni - 31. august
Lengde: 2-3 timar. Inngangen til stavkyrkja er dagsbillett

Start tur: Dagleg klokka 13:30 ved stavkyrkja
Avslutning: Tilbake ved stavkyrkja
Lengde: Turen tek 45-60 minuttar

Påmelding: Ved å booke online på denne sida
SPRÅK: Norsk, engelsk ved behov

Inkludert: Inngang Borgund stavkyrkje og besøkssenter, guide tur/retur Vindhella.

Under kan du velge mellom å bestille inngang stavkyrkja + guida tur til Vindhella, eller berre guida tur til Vindhella: