Ingeniørbragden Vindhella er den mest berømte delstrekninga av Kongevegen over Filefjell. Men Vindhellaskaret skjuler så mykje meir.
Kvar dag kokka 13.30 står ein Kongevegen-guide framføre Borgund stavkyrkje klar for å ta deg med med opp austsida av Vindhella og til toppen av dei berømte hårnålsvingane.
På vegen får du lære om Kongevegen og om bygginga av meisterverket som bugtar seg på høge murar ned gjennom fjellpasset. Høyr om vegarbeidarane, om slavearbeid og avstraffing, om rekkverk og steinar, fargar og kongeferder.
Sjå også kvifor Vindhellaskaret var den smalaste passasjen mellom aust og vest i gamal tid og difor truleg eit strategisk kontrollpunkt. Her er bygdeborg, truleg eldgamle forsvarsanlegg og kanskje åstaden for eit birkebeinerbakhald.
Etter ei stund ved svingane på toppen snur guiden og går tilbake til stavkyrkja. Du blir med, eller du kan gå på eiga hand ned til Rimskjold eller ta rundturen over Sverrestigen tilbake til stavkyrkja. Guiden forklarer deg korleis.
TID: Dagleg klokka 13:30
PERIODE: 01. juni - 31. august
Lengde: Turen tek 45-60 minuttar
Påmelding: Ved å booke online på denne sida
SPRÅK: Norsk, engelsk ved behov
Inkludert: Lokal guide og historiefortelling tur/retur Vindhella
