I enden av Kongevegen finn du Galleri Bryggja. Her er kunstnarstaden til lokalkunstnaren Kristen Olav Grøttebø.
I første høgda finn du galleriet der du kan sjå, nyte og om du vil, kjøpe måleria til Kristen Olav. I andre høgda har han atelieret sitt.
Grøttebø finn inspirasjon i lærdalsnaturen og arbeida hans endar som regel opp i ulike landskapsmaleri med motiv herfrå. Han utnyttar lyset og skuggane som vekslar så unikt på fjella og landskapet i Lærdal.
Om du stikk innom er Grøttebø enten i utstillinga i første etasje, eller han står og målar i atelieret i andre høgda.
Uansett; spør han og du får du ei innføring i kvart av bileta som er utstilt eller han fortel deg om kva han arbeider med for tida.
Galleri Bryggja har ope kvar dag mellom klokka 11-17.
Velkommen!