Lærdalsøyri pensjonat er eit lite kulturpensjonat der du bur i same hus som innehavaren.

Du leigar rom i andre etasje og har tilgang til stove, kjøken, gang og bad.

Lærdalsøyri pensjonat held til i eit 200 år gamalt hus på Gamle Lærdalsøyri som mellom anna hadde funksjon som embetsmannsbustaden i handelsstaden.

Lærdal Apotek var det første apoteket som opna utanfor dei etablerte kjøpstadane (byane) i Norge. Det skjedde i 1843. Nokre år seinare flytta landsapoteket inn i første etasje i denne bygningen, og var her i mange år. 

Av og til arrangerer verten små klassiske konsertar og kulturelle arrangement i storstova i huset.