Sanden pensjonat gjev deg eit triveleg og personleg overnattingstilbod i den gamle delen av Lærdal sentrum, gamle Lærdalsøyri.

Sanden pensjonat vart fyrst etablert i 1897, men bygningen vart oppført allereie på 1840-talet.

Pensjonatet, som er varsamt renovert og miljøsertifisert, har fem gjesterom. Alle rom har private bad.

Pensjonatet leiger òg ut to utleigehus rett i nærleiken, som begge er basert på sjølvhushald.

I fyrste etasje finn du salongen, som òg er frukostrom, og utanfor er ein triveleg gjestehage.

Pensjonatet har ope heile året.