Følg i spora etter dei norske mellomalderkongane. Gå fra Austlandet opp til toppen av Filefjell og ned att til Vestlandet. Vandre bekymringslaust heile fjellpasset av Kongevegen på tre dagar mens vi fikser alt for deg - vi frakter bagasjen, ordnar frukost, niste og transport.
ANKOMST:
Du har køyrt til Filefjellstuene og kan sjekke inn for ein hyggeleg kveld og ei god natts søvn. Det går også direktebuss frå Bergen (NW 162 Øst-Vest Xpressen) og frå Oslo (NW 160 Valdresekspressen) til Tyinkrysset som passar med innsjekk i denne turpakka. Bussrutene følger E16.
DAG 1:
Etter frukost sørger hotellet for transport til Øye, der «Kongevegen Fjellpasset» startar. Frå Øye går du delstrekninga Øye-Tyinkrysset på cirka 12 kilometer opp austsida av Filefjell. Turen følger den autentiske kongeveglina opp til Støndafjorden, vidare opp vestsida av Begna til Varpebrue og forbi gjestgjevargarden og skysstasjonen Skogstad, nemd alt i 1663. Typisk for kongevegen bølger den opp og ned. Les meir om delstrekninga Øye-Tyinkrysset her.
DAG 2:
Etter frukost startar du ved Filefjellstuene og går vestover opp mot Kyrkjestølen på delstrekninga Tyinkrysset-Kyrkjestølen. På Kyrkjestølen er det fint å ta pause og sjå seg om på stølstunet. Deretter startar du på den berømte delstrekninga over toppen av Filefjell, Kyrkjestølen-Maristova, som tek deg til Kongevegens høgaste punkt, cirka 1250 m.o.h. Vegen har storslått utsyn til tindene i Hurrungane. Du passerer Stiftstøtta, ein marmorbauta som markerte det gamle skiljet mellom Akershus og Bergens stift. I området er det fint å ta ein rast.
Her oppe er terrenget lettgått før vegen går bratt ned mot Maristova (ca. 800 m.o.h.) som har historie med overnatting og samferdsle sidan tidleg på 1300-talet. Du overnattar i hytte hjå Maristuen Fjellferie. Bagasjen din er blitt frakta hit (1 kolli per pers.). Turen frå Filefjellstuene via Kyrkjestølen til Maristova tek 5-8 timar. Les om delstrekninga her.
DAG 3:
Etter frukost startar du ved Maristova og går ned vestenden av Filefjell, på delstrekninga Maristova-Borlaug. Turen går på autentisk kongeveg, natursti, litt asfalt. På vegen passerer du ulikt kulturlandskap, gardar og ruiner etter buplassar. Turen er 7 kilometer lang og har ein høgdeskilnad på 300 meter. Like etter start Maristova kan du ta ein kort omveg om Honingane, eit gamalt stølsområde med bygningar frå mellomalderen.
Eit smykke på denne strekninga er Brattebakken bru, ei hengebru bygd etter inspirasjon av kongevegbruene du møter andre stadar på Kongevegen.
Etterkvart endar du i grenda Borlaug. Turen tek cirka 2 timar pluss eventuell matpause. Frå Borlaug tek du rutebuss tilbake til Filefjellstuene, evt. Tyinkrysset (sjå rutetider og ruter under) der bagasjen din er køyrt tilbake. Her sluttar «Kongevegen Fjellpasset». Les om delstrekninga her.
PRIS PER PERSON 2024: 👍
Om 4 eller fleire reiser sammen: 3 690,- NOK
Om 2-3 personar reiser sammen: 4 290,- NOK
I PRISEN FÅR DU: 👍
3 overnattingar i hytte, leilighet eller hotellrom (avhengig av antall gjester)
3 frokoster der du smører lunsjpakke for turen
Sengeklær og romvask
Transport til startpunktet ved Øye
Bagasjetransport Filefjellstuene-Maristova 2. dag og retur 3. dag (tilgjengeleg berre i turpakker som denne)
IKKJE INKLUDERT I PRISEN:
Middag og kveldsmat. Du kan kjøpe 3-retters middag på Filefjellstuene kvar dag kl. 19:00 (bordbestilling seinast kvelden før om du ikkje kjøper inkl. i turpakka) eller på Tyinkrysset Fjellstue
Buss frå Borlaug til Filefjellstuene siste dag
Guiding/historiefortelling
RUTEBUSS:
Rute 138 (Lærdal-Fagernes) passerer Borlaug klokka 11:37 (måndag-fredag og sundag) og passerer innkøyrsla til Filefjellstuene cirka klokka 12.03. Bussen tek med hund.
NW162 (Bergen-Lillehammer) passerer Borlaug dagleg kl. 13.08 og er ved Tyinkrysset kl. 13.28. Her må du gå frå busstoppen til Filefjellstuene, cirka 1 kilometer. Bussen tek kun sertifisert hund (som førarhund).
NW162 går også frå Borlaug kl. 16.41 og er på Tyinkrysset 17.02 i tida 1. juli-11. august.
(atterhald om ruteendringar)
Alternativ: Solheim Taxi.
ANBEFALTE TILLEGGSOPPLEVINGAR: 👍
Stikk innom Øye stavkyrkje (ved start første vandredag)
Besøke Låvemuseet (midten av første vandredag)
Proviantere hjå Joker Tyinkrysset (siste del av første vandredag)
Pause på Tyinkrysset Fjellstue (siste del av første vandredag)
Treng du utstyr? Intersport Tyinkrysset.
Fisketur med Opplev Filefjell?
Omvisning i Margretestuen Fjellstovemuseum (andre dag, på førespurnad)
Omvisning på Borlo bygdetun (tredje dag, på bestilling)
Bli ei ekstra natt etter framkomst? HI Borlaug
